तीर्थ

तपाईंबाट उम्रिएकाे म

तपाईंको न्यानो काख छोडेर

म तीर्थ खोज्दै कता जाउँ?

मेरो आगमन अनि अस्तित्वको

एक एक क्षण सयौं पीडा थपि

मेरो एक अबोध मुस्कानमा रमाउने

तपाईंको अति कोमल हृदय छोडी

म तीर्थ खोज्दै कता जाउँ?

मेरो जीवनको लक्ष्य देखाउन

आफ्नु जीवनको गति त्यागी

मलाई नै जीवनको गन्तव्य ठानी सकेकी

तपाईंको अतुल्य बलिदान बिर्सी

म तीर्थ खोज्दै कता जाउँ?

तपाईं नै मेरी ममतामयी माता

तपाईं नै मेरो तीर्थ।